Ko Ventus hei kaiwhakaputa i te hiko e iti katoa ana te utu, e iti katoa ana hoki te tukuwaro, i te wāhi tauhokohoko i Aotearoa e nui ake nei āna hokonga hiko mai i tāwāhi tēnā i āna hokonga atu.

Ko Aotearoa tētehi o ngā wāhi arotau katoa i te ao whānui mō te whakaputa hiko mā te hau, heoi kei ngā taumata o raro rawa tana whakaputa hiko mā te hau, arā e iti iho ana i te 10% te nui o te hiko ka whakaputaina e te pūrere hau.

Kotahi anahe te pāmu hau e rere ana i te rohe o te puku ki te hiku o Te Ika a Māui, e 30% nei te rahi o te hiko o Aotearoa ka whakamahia ki aua rohe, ā, kei reira ngā utu nui katoa o te hiko. Ko te nuinga o ngā ara hou hei whakaputa hiko e whakaritea ana, ko te pūngao kōmaru.

Ka ea ngā hiahia ki te hiko i ngā wāhi e tū nei ngā pāmu hau a Ventus me ana whakaputanga hiko i ngā wā e piki ai te nui o taua hiahia i ia rā, i ōna kaupeka hoki o te tau. Hei āpitihanga te hau mō te pūngao hikowai, e whakaputa nei i te 57% o te hiko o Aotearoa.  

Hāunga te pūngao karihi, e iti katoa ana te tukuwaro a te hau tēnā i ētehi atu ara whakaputa hiko, ā, he rite tonu te ngāwari o te utu o te whakaputa hiko mā te hau hei pūngao hiko.

Mā te āpiti i te whakaputanga hiko e iti nei te utu, e taea ana hoki te whakahou i ngā wā me ngā wāhi e hiahia katoatia ana, ka whai tikanga tā Ventus tautoko i ngā whāinga o te ao mō te taiao, ā, māna hoki e āwhina kia hihiko ake te anamata mō ngā reanga e whai ake ana.