Te tiaki i te taiao me ngā hapori

Ko Aotearoa tō tātou whenua tupu. Ki ō mātou whakaaro, kāore he mahi whakahirahira ake i te whakatupu tonutanga o te whenua nei mō ā tātou tamariki.

I tua atu i te whakakore tukuwaro me te urupare i te huringa āhuarangi ki te pūngao tē tūkino taiao, kua nui ake i te $2 miriona te tukunga a Ventus ki ngā kaupapa e aro ana ki te mātai hauropi, ki te hapori, ki te ahurea hoki i te rohe o Waitomo i tā mātou pāmu hau tuatahi i Aotearoa.

He haepapa te tiaki i ngā manu taketake pērā i te pekapeka (long-tailed bat) me hāpai e tātou katoa ka tika. Koinei te take e tuku pūtea ana a Ventus ki te rangahau pekapeka, ki te tautoko hoki i ngā kaupapa e kīrearea-kore ai a Aotearoa.

E whakaaro nui ana a Ventus ki ngā pānga me ngā wawata o te tangata whenua ki te anamata. E manarū ana mātou ki te mahi tahi me te tangata whenua i ngā wāhi katoa e mahi ai mātou.

Ka kohia e ngā pāmu hau te rawa māori e mutunga kore ana, arā, te kaha o Raka-maomao, hei whakaputa hiko hei whakamahinga mā tātou katoa i runga i te utu ka taea. Ka hāpai hoki ngā pāmu hau i te kaitiakitanga mā te whakakore i te tukuwaro, mā te whakaiti i ngā pānga o te huringa āhuarangi, mā te iti hoki o ngā pānga ki te whenua.

E kitea ai he pārongo anō mō ngā painga o ngā pāmu hau, tirohia: